දියවැඩියාව සහ ආහාර: රුධිරයේ සීනි පාලනය කරන ආහාර වර්ග 7ක්

ඔබට 2 වන කාණ්ඩයේ දියවැඩියාව ඇත්නම් ඔබ ගන්නා ආහාරවලට කුස ගින්න කල් දැමීමට බොහෝ වේලාවක් කුස පිරී පැවතීමට උදව්වීම මගින් රුධිරයේ සීනි පාලනය කර ගැනීමට උදව් විය හැකිය.

“ඔබේ රුධිරයේ සීනි හෝ ග්ලූකෝස් මට්ටම සාමාන්‍ය තත්ත්වයට වඩා වැඩි නම් එය දියවැඩියාවයි. පාන්, ධාන්‍ය, බත්, පළතුරු, කිරි, පැස්ටා සහ අතුරුපස ආදිය නිසා රුධිරයේ සීනි මට්ටම ඉහළ යන්න පුළුවන්.” යැයි ඇමරිකානු දියවැඩියා සංවිධානයේ සෞඛ්‍ය ආරක්ෂණ හා අධ්‍යාපන සභාපති ආචාර්ය මැගී පවර් පවසයි.

එහෙයින් ඔබ දවස පුරා ආහාරයට ගන්නා කාබෝහයිඩ්‍රේට් ප්‍රමාණය සහ වර්ගය පිළිබඳ අවධානය යොමු කළ යුතු යැයි ආචාර්ය පවර් පවසයි.

එසේම ඔබ ආහාර රස විඳීම ද ඉතාම වැදගත්ය. ගන්නා ආහාර වේලින් ඔබ තෘප්තියට පත් විය යුතු අතර ප්‍රමාණය ඉක්මවා ආහාර ගැනීමෙන් මෙන්ම සිරුරට අහිතකර ආහාර ගැනීමෙන් වැළකිය යුුතුය. ආචාර්ය පවර් හඳුන්වා දෙන ඔබේ රුධිරයේ සීනි සාමාන්‍ය මට්ටමේ රඳවා ගැනීමට, ඔබ සතුටට පත් කිරීමට සහ සෞඛ්‍ය තත්ත්වය නංවාලීමට උපකාර වන ආහාර වර්ග 7ක් මෙසේය.

  1. අමු, තැම්බූ එළවළු

කෑමවලට හිතකර වර්ණක, රසකාරක සහ රටා එකතු කරන්න. කාබෝහයිඩ්‍රේට් අඩු හතු, ලූනු, වම්බටු, තක්කාලි, ගෝවා ආදි රසවත් එළවළු වර්ග තෝරා ගන්න.

  1. පලා වර්ග

ඔබේ සාමාන්‍ය කොල සලාදය වෙනුවට වෙනත් කොල වර්ග ආහාර වේලට එකතු කරගන්න. එවිට ආහාරයේ ඒකාකාරීත්වය නැති වෙයි. වෙනත් වෙනත් කොල වර්ග සමග වෙනස් පෝෂණ කොටස් සිරුරට එකතු වෙයි. කොල වර්ගවල කාබෝහයිඩ්‍රේට් අඩු අතර රසයෙන් මෙන්ම පෝෂණ ගුණයෙන් ද ඉහළය.

  1. රස කළ අඩු කැලරි පාන වර්ග

පිරිසිදු වතුර බෙහෙවින් හොඳය. එහෙත් ජලයට පළතුරු යුෂ මිශ්‍ර කළ විට බෙහෙවින් රසවත්ය. ලෙමන්, පිපිඤ්ඤා, දොඩම්, පැෂන් ආදි පළතුරු යුෂ මිශ්‍ර පාන වර්ග තනා පානය කරන්න.

ඔබ උණුසුම් තේ පානය නොකරන්නේ නම් ලෙමන් යුෂ හෝ කුරුඳු පොතු කැබලි කිහිපයක් මුසු කළ සීත කළ තේ පානය කරන්න.

“මෙම පාන වර්ගවල අඩංගු කාබෝහයිඩ්‍රේට් ප්‍රමාණය අඩුයි. ඒ වගේම ඔබේ කුස පිරී ඇති බව දැනෙන නිසා වෙනත් ආහාරයක් ගැනීමේ උවමනාවක් ඇති වෙන්නෙත් නෑ.” ආචාර්ය පවර් පවසයි.

4.‍ කොමඩු හා බෙරි

කොමඩු හෝ බෙරි යුෂ වීදුරුවක ඇත්තේ කාබෝහයිඩේට් ග්රෑම් 15ක් පමණක් බව ඔබ දැන සිටියාද?

“එය පෝෂණ කොටස්, කෙඳි සහ පොඩ්ඩක් විතර පැණි රස අඩංගු හොඳ සෞඛ්‍ය සත්කාරයක්.” ආචාර්ය පවර් පවසයි.

වෙනස් රසයක් සඳහා කොමඩු හෝ බෙරි යුෂ පානයට යෝගට් ස්වල්පයක් හෝ අයිස් කැට කිහිපයක් එකතු කරගන්න.

  1. ධාන්‍යමය ආහාර සහ කෙඳි බහුල ආහාර

මෙම ආහාර වර්ග තෝරාගැනීම මගින් වැඩිපුර ආහාර ගැනීම සහ වැරදි ආහාර තෝරා ගැනීම නතර කරන්න.

මුං ඇට, කව්පි, බෝංචි ඇට ආදී ධාන්‍ය වර්ග අමු හෝ මදක් තම්බා ගත් එළවළු සමග රස විඳින්න.

“මේ කෑමවල කාබෝහයිඩ්‍රේට් ටිකක් තිබුණත් ඔබට ආහාරයේ තෘප්තිය දනවන රසයකුත් තියෙනවා.” ආචාර්ය පවර් පවසයි.

  1. මේද ටිකක්

අලි ගැටපේර, ඔලිව් තෙල්, සැමන් වැනි මේද සහිත මාලු වර්ග තෝරාගන්න. මාළුවල අඩංගු මේදය සලාදය රස විඳීම සඳහා හොඳ රසකාරකයකි.

  1. ප්‍රෝටීන්

ආචාර්ය පවර් නිර්දේශ කරන්නේ යෝගට්, චීස්, බිත්තර සහ කුඩා මාළුය. එසේම බටර්, රටකජු, අඩු මේද චීස් ආදිය ද ඔබට ආහාර වේලට එකතු කරගත හැකිය. කෙසේ වුව ද ඒවායේ අඩංගු සෝඩියම් පිළිබඳස සැලකිලිමත් වන්න.

“කෙසේ වුවත් ඔබේ ආහාර වේල ඔබට නීරස අත්දැකීමක් විය යුතු නෑ. ඒ සඳහා කාබෝහයිඩ්‍රේට් ප්‍රමාණය ඉක්ම නොයන පරිදි ඔබ කැමති ආහාර ද එකතු කරගත යුතුයි.”ආචාර්ය පවර්ව අධාරණය කරයි.

(webmd.comහි Diabetes & Diet: 7 Foods That Control Blood Sugar නම් Jennifer D’Angelo Friedman සම්පාදිත ලිපියෙහි සිංහල අනුවාදයකි.)